Banco di Caribe ta subi límite di ‘Tap and Go’
Banco di Caribe ta subi
límite di ‘Tap and Go’
WILLEMSTAD: Den luna di yüli último Banco di Caribe a introdusí su tarheta di débito Mastercard. E tarheta ta super moderno i a remplasá e tarheta tradishonal. Ku e tarheta di débito Mastercard di Banco di Caribe klientenan por swaip, dep,‘Tap and Go’ paga online i lanta sèn rònt mundu. Pa fasilitá su klientenan aún mas, Banco di Caribe a subi e límite di pago ku e opshon di ‘Tap-and-Go’ riba su tarheta di débito.
Ora ku un mashin di pago i e tarheta ta ekipá ku e teknologia di Near Field Communication (NFC) mester djis pone (‘Tap’) e tarheta na e pantaya pa hasi un transakshon. Ta usa e ‘Tap and Go’ prinsipalmente pa montantenan mas chikitu, pero pa fasilitá su klientenan Banco di Caribe a subi e límite ‘Tap and Go’ pa su tarheta di débito Mastercard. Entrante 3 di novèmber, 2020 e límite a subi te 100 florin pa transakshon individual i te un máksimo di 200 florin pa dia. Sin embargo, kada banko a determiná nan propio límite pa nan mashin di pago. Ora ta usa e opshon di pago ‘Tap and Go’ den eksterior, mester tene na kuenta ku e límite ta keda 100 florin pa transakshon.
Tuma nota ku e opshon di pago di ‘Tap and Go’ riba Banco di Caribe su tarheta di débito Mastercard ta aktivá outomátikamente e promé bes ku usa e tarheta pa hasi un transakshon na un di nan ATMnan. Si, pa un òf otro motibu, e kliente no ta deseá e opshon di pago ‘Tap and Go’ riba su tarheta di débito Mastercard, por pidi pa desaktivá esaki ora manda un mensahe via di BdC Online òf yena e formulario di aplikashon riba e wèpsait di Banco di Caribe. Sí den futuro ta deseá pa reaktivá ‘Tap and Go’, esaki lo ta posibel via di mes prosedimiento.
Mas pregunta tokante ‘Tap and Go’ ?
Pa mas informashon por konsultá e sekshon di pregunta i kontesta rápido riba http://www.bancodicaribe.com Ademas, por yama 432 3555, un línea di telefon spesial pa tur detaye relashoná ku Banco di Caribe su tarheta di débito nobo.
