Kaso di eksploshon ku herido.
KOMUNIKADO DI PRENSA 429 / 2020
2 novèmber 2020
Kaso di eksploshon ku herido.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 2 di novèmber 2020 alrededor di 15.47 or, Sentral di Polis a risibí notifikashon di un
kaso di eksploshon ku a tuma lugá den un kas na Kaya Piano i ku tin un persona heridá.
Mesora a dirigí unidat polisial na e sitio. Na yegada di e unidat, el a en kontra ku un dama
ku tabatin kemadura rònt su kurpa di terser grado.
For di un investigashon preliminar ku polis a realisá na e sitio, polis a bin komprondé ku
posiblemente tabatin gas ta sirkulá den e kas, probablemente for di un stof.
Na momento ku e dama a bai pegá un sensia, esaki a okashoná e eksploshon. E kas a risibí
hopi daño material prinsipalmente na e dak.
Ambulans a presentá na e sitio i a transportá e dama pa C.M.C. pa tratamentu médiko mas
avansá.
E kaso ta den investigashon.