SCHERPENHEUVEL I VESTA LO TOPA DURANTE E GRAN FINAL LIGA MCB PROMÉ DIVISHON MIÉNTRAS ATLETIKO SALINJA LO ENFRENTÁ BUENA VISTA DEN E GRAN FINAL DI LIGA MCB TERSER DIVISHON!

SCHERPENHEUVEL I VESTA LO TOPA DURANTE E GRAN FINAL LIGA MCB PROMÉ DIVISHON MIÉNTRAS ATLETIKO SALINJA LO ENFRENTÁ BUENA VISTA DEN E GRAN FINAL DI LIGA MCB TERSER DIVISHON!

 

 

Tur kos ta kla pa djabièrnè i djasabra awor, 6 ku 7 di novèmber 2020, e gran finalnan di Liga MCB Promé i Terser Divishon tuma lugá. Djabièrnè pa 7:30 pm den Stadion Dr. Antoine Maduro Atletiko Salinja lo enfrentá Buena Vista den e gran final di Liga MCB, i e ekipo ku títula kampion lo promové pa Liga MCB Segundo Divishon. Siguiente dia, 7 di novèmber 2020 pa 7:30pm lo tin otro tremendo final den Stadion Ergilio Hato. Scherpenheuvel lo topa kara kara ku Vesta despues ku ámbos ekipo ta tin un tremendo temporada i e 2 ekiponan aki a logra klasifiká pa e final di Liga MCB Promé Divishon.

Preparashonnan ta tumando lugá paso tur ekipo lo bin tur ku tin i bon prepará pa bai kas ku e kopa di kampion! Pues un i tur por ta sigur ku nan lo disfrutá di bon futbòl durante e 2 partidonan aki!

 

E aña aki Liga MCB a wòrdu dediká na e siguiente baluartenan; Sr. Angel Ramirez (èks dirigente), Sr. Eric ‘Papa’ Girigoria (èks rèfri), Sr. Ramon Stomp (èks hungadó), Sr. Virgilio Silië (eks hungadó), i Sr. Arto Leito (èks hungadó). E pèrsonanan aki ta tin un kontribushon enorme na e desaroyo di e deporte rei, futbòl. P’esei nan a wòrdu homenagiá i FFK a dediká e kampionato di e aña aki na nan.

 

 

Tabla di goliadó Liga MCB Promé Divishon:

 

Nòmber Ekipo Gol
Randell Winklaar C. Dominguito 18
Constancia Gersinio Willemstad 13
Davidson Rosa Willemstad 13
Isenia Christopher Scherpenheuvel 11
Martina Jurensley J. Holland 10

 

 

Tabla di posishon Liga MCB Promé Divishon Buèlta di 4:

 

WH WG WE WP Pt GF GK Saldo
1 SCHERPENHEUVEL 3 2 0 1 6 3 3 0
2 SV VESTA 3 1 2 0 5 3 0 3
3 WILLEMSTAD 3 1 1 1 4 1 1 0
4 JONG HOLLAND 3 0 1 2 1 0 3 -3
   
  6 4 4 4 16 7 7 0

 

 

 

 

Tabla di goliadó Liga MCB Terser Divishon:

 

Nòmber Ekipo Gol
Pineda Montiel Jorge University 11
Hook Jared Atletico Salinja 10
Sint Jago Eldridson Buena Vista 10
Odair Mook Atletico Salinja 9
Tile Durly Wishi Marchena 9

 

 

Tabla di posishon Liga MCB Terser Divishon semi final:

 

  WH WG WE WP Pt GF GK Saldo
1 Atletico Salinja 1 1 0 0 3 3 1 2
2 Buena Vista 1 1 0 0 3 2 1 1
3 C. University 1 0 0 1 0 1 2 -1
4 C – Stars United 1 0 0 1 0 1 3 -2
 
  2 2 0 2 6 7 7 0

 

 

Pues mañan lo tin un tremendo partidaso ora ku Atletiko Salinja lo por promové i forma parti di Liga MCB Segundo Divishon pa promé biaha i Buena Vista por ta bèk despues di varios aña den Liga MCB Segundo Divishon!

E siguiente dia, 7 di novèmber, lo tin e revancha di Scherpenheuvel i Vesta despues ku aña pasa Vesta a sa di gana Scherpenheuvel i titulá kampion di Liga MCB 2019.

 

Debí na e medidanan ya konosí, ku a keda introdusí pa Gobièrnu di Kòrsou e partido final aki lo no por tuma lugá ku presensia di públiko. Pero si por sigui e final di Liga MCB Promé i Terser Divishon via e página di Facebook; Vigilante!

 

Éksito na tur ekipo!

This site uses Akismet to reduce spam. Learn how your comment data is processed.

error: Content is protected !!
%d bloggers like this: