Curacao Quota Club ta duna rekonosementu na Kuerpo di Bombero, riba día International di Hende Homber

Curacao Quota Club ta duna rekonosementu na Kuerpo di Bombero, riba día International di Hende Homber

19 novèmber 2020 ta dia International di Hende Hòmber. Riba e fecha aki mundialmente ta konmemorá i duna atenshon na e hende hòmber. 

 

E aña aki Curacao Quota Club a dediká e dia di hende hòmber na Kuerpo di Bombero, pa e trabou ehemplar ku nan ta hasi den nos komunidat. No solamente na momentu di paga kandela, pero tambe pa e trabou i yudansa ora ta reina peliger i kalamidat, aksidente den tráfiko, palu ku ta kai i forma menasa i asta salba un animal ku ta den un situashon peligroso. Curaçao Quota Club a entregá un plakat komo muestra di gratitut na e organisahon pa asina pone nan den lus positivo. Ademas nan ta risibí  ‘dòpi di orea’ serka Quota pa nan kuida nan oido na momento di zonido  duru.  

 

‘Curaçao Quota Club” ku ta eksistí ya 33 aña na Kòrsou, ta traha pa empoderá  hende i konsientisá riba kuido di oido.  Pa e motibu aki Curaçao Quota Club a skohe e organisashon “Kuerpo di Bombero Kòrsou” kaminda e gran mayoria ku ta laborá ta hende homber, hende nan balente kla pa sirbi nos komunidat. Un trabou ku merese rekonosementu.

 

” Curaçao Quota Club” ta  ekstendé un Pabien kaluroso na tur hende hòmber riba boso dia. 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: