Minister di Deporte, Sr. Dangui Oduber a reconoce e gran labor di 4 persona cu a significa hopi pa landamento escolar den periodo di examen
Minister di Deporte, Sr. Dangui Oduber a reconoce e gran labor di 4 persona cu a significa hopi pa landamento escolar den periodo di examen
SAVANETA – Diabierna mainta na Piscina Olimpico, Roly Bisslik na Savaneta, Su Excelencia Minister di Deporte, Sr. Dangui Oduber a tuma e momento pa pone cuater baluarte “in het zonnetje”. E cuater personanan aki ta Bram Koole, Geoffrey Ho A Sjoe, Winnie Bisslik y Maicha Croes. Hunto nan tin hopi aña ta contribui na e formacion di nos muchanan di landamento. Pa hopi aña Bram, Geoffrey, Winnie y Maicha ta yuda cu e examen di zwemles pa nos muchanan di klas 3 di Scolnan Basico na Aruba. Cu nan conocimento, experiencia y contribucion esaki sin duda ta un ayudo enorme pa e organisacion di landamento escolar y e bin refleho cu e lo tini den tur sentido riba nos muchanan.
Pabien na tur cauter persona cu e bunita reconocimento aki. Y danki un bes mas Stichting Schoolzwemmen Aruba. Gobierno di Aruba ta gradici boso pa boso esfuerso, amor y dedicacion na schoolzwemmen. Boso trabou boluntario ta wordo grandemente aprecia pa nos gobierno.
