KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA POLISIAL

Trabounan konhunto di MEO i KPC ta kontinuá

 

Trabounan konhunto di MEO i KPC ta kontinuá

Geplaatst op 11 December 2020 dor di Ministerio Hustisia

Willemstad – E trabounan di e Tim Multidisiplinario kaminda entre otro Inspekshon di MEO i KPC ta representá ta sigui na bienestar di komunidat. Durante un Relato Ekstraordinario, riba djabièrnè dia 11 di desèmber, Minister di Hustisia, sr, Quincy Girigorie huntu ku Minister di Desaroyo Ekonómiko, sr. Steven Martina pero tambe sr . Jules Ilario, sr. Imro Zwerwer i sr.Ronny Cornelis a anunsiá esaki públikamente.

Promé ku e relato públiko aki, ámbos ministerio ya a sinta huntu i papia pa resolvé e suseso ku mas trempan den siman a duna komunidat e pensamentu ku e trabounan  konhunto lo a yega na un final. Den esaki, e konsenso mutuo ta, ku no opstante ken tabatin rason den kualke deklarashon, e interes di sirbi komunidat ta muchu mas importante i nos no mester pèrdè enfoke for di riba e loke realmente ta signifikante.

Ya pa diferente aña, KPC i MEO a bin ta traha huntu den un tim multidisiplinario pa kumpli ku kontrol na establesimentunan i reforsá kumplimentu ku reglanan vigente den nos komunidat.E pandemia di Covid-19, a hasi e tarea i e trabounan di e tim multidisiplinario aun mas intensivo. Aworakí, den e pandemia di COVID-19 e trabou di e tim ta asta mas importante ku normal.

Sr Ilario i sr . Cornelis a yega na koperashon i palabrashon ku otro i tantu KPC komo MEO ta kla pa kontinuá ku e trabounan konhunto na interes di nos komunidat.Ku e deklarashon aki a yega na e kombenio ku niun di e hendenan konserní no ta papia mas ku prensa tokante e susesonan anterior.

639114718427035"
639114718427035"