Reyna Joe ku Buki di Feng Shui na papiamentu

 

Reyna Joe ku

Buki di Feng Shui na papiamentu

 

Kòrsou – ‘Feng Shui pa pas, salú, abundansia i prosperidat’ ta titulo di un buki na papiamentu ku informashon di e konosementu antiguo chines Feng Shui, ku Reyna Joe a skibi i ku el a lansa djasabra último.

Ta trata aki di un buki ku informashon básiko i general na papiamentu pa esnan ku ke familiarisá nan mes ku e konosementu antiguo aki i tambe pa esnan mas vèrsá den e tópiko. 

 

Reyna Joe ta biba Feng Shui for di aña 1997 i e konosementu den e buki ta basá riba lesamentu/estudio/kòmbersashonnan kontinuo ku tur posibel maestro di Feng Shui ku a pasa den su kaminda for di 1997.

Krédito spesial ta bai na Gran Maestro Lillian Too (Maleisia) kende ta esun ku a hasi e konosementu di Feng Shui konosí pa mundu oksidental.

Reyna Joe ta bisa ku: ‘banda di a lesa, segun mi tur su bukinan, mi tabatin e honor tambe di sertifiká serka dje komo Feng Shui Master i despues tambe komo Paht Chee Master.

E echo di por ta den kontakto ketu bai kuné ta poné tambe ku mi ta sintimi sigur den loke mi ta hasi’.

 

Loke ta hasi e buki aki interesante ta ku banda di informashon riba Feng Shui por us’é komo agènda hañando e.o. informashon di ki tipo di energia tin pa kada dia den 2021 pa por plania p.e. pa fechanan spesial.

Asina aki tur ku ke sa mas di Feng Shui ta haña e konosementu aki na papiamentu.

 

‘Feng Shui pa pas, salú, abundansia i prosperidat’ ta optenibel serka Reyna Joe na fengshuikorsou168@gmail.com òf via 561 2818

 

Riba e potrèt: Feng Shui Master Reyna Joe ku e buki ‘Feng Shui pa pas, salú, abundansia i prosperidat’.