Partido PIN ta preokupá ku e plan di akshon pa atende ku Enseñansa, Siensia, Kultura i Deporte riba korto tempu.

Partido PIN ta preokupá ku e plan di akshon pa atende ku Enseñansa, Siensia, Kultura i Deporte riba korto tempu.

Partido PIN ta sigui preokupá pa e situashon ku ta reina den skolnan okashoná pa e pandemia di Covid-19. Pa e motibu aki nos ta sigui e pasonan di minister di Enseñansa, Siensia,  Kultura i Deporte, sr. Steven Croes. Despues ku el a hasi un sondeo serka vários aktor ku tin ròl esensial den funshonamentu di enseñansa no a bini dilanti den su relato kon e tin pensá di atendé pa kòntrolá e daño ku e pandemia aki a trese den enseñansa.

PIN ta referí na loke ta trata: (1) malesa di Covid den skol; (2) ousensia di maestro i dosentenan; (3) ousensia di studiante/ alumno; (4) posponementu di pruebanan en general (5) posponementu di e prueba final(èksamen) na skolnan avansá; (6) e situashon rondo di “EFO i ESO toets” ya ku a indiká ku no ta bai tin pa aña 2020/2021 pa grupo 8; i tambe (7) e sistema logístiko di internet den skol i na kasnan di famia. Tur esakinan ta prioridatnan ku mester ta haltu riba e lista di akshonnan ku ta nesesario pa tuma riba termino kortiku.

PIN ta di opinion ku ta imperativo pa atendé tur e puntonan menshoná úrgentemente ku e direktivanan di skol pa garantisá higiëna, seguridat i kalidat den skol riba termino korto.

Pa PIN, e puntonan ku nos a menshoná aki riba i pone na atenshon di minister Croes, no por warda mas tempu riba un solushon.   

PIN tin kalidat di enseñansa i bienestar di e studiante/alumno i dosente/ maestro na pechu i lo vigilá e pasonan di minister Croes ku e meta pa e atendé e problemanan di úrgensia di forma inmediato.

Mercée Doran