Seis (6) agente polisial a risibí prohibishon pa drenta lokalidatnan polisial.

KOMUNIKADO DI PRENSA 013 / 2021
12 yanüari 2021
Seis (6) agente polisial a risibí prohibishon pa drenta lokalidatnan polisial.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Relashoná ku un investigashon ku pa algun siman kaba ta tumando lugá dor di e
Departamento di Asuntunan Interno di Kuerpo Polisial, Tim di Maneho di polis a duna
prohibishon na seis (6) agente polisial pa drenta lokalidatnan polisial.
E polisnan aki ku ta riba non aktividat, ta sospechá di no a kumpli ku prosedimentunan di
supstansianan i propiedat ku a keda konfiská, dor di kibra ku privasidat di bibienda i
kulpabilidat na ladronisia.
E investigashon ta basá riba e trayekto tantu penal komo esun disiplinario.
Miéntras ku e investigashon ta kontinuá, e polisnan aki a keda suspendé den ehersé nan
funshon.
Tim di Maneho di Kuerpo Polisial ta lamentá e echo aki, pero di otro banda ke duna un
señal bon kla tantu paden komo pafó, di ta sigui hasi outo purifikashon, pa asina keda
garantisá komunidat un kuerpo íntegro.