Detenshon relashoná ku atrako.
KOMUNIKADO DI PRENSA 022 / 2021
18 yanüari 2021
Detenshon relashoná ku atrako.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 17 di yanüari 2021, alrededor di 18.40 or, a tuma lugá un kaso di atrako
na un toko na Kaya Jules Blasini.
Dos (2) hòmber ku kara tapa a sorprendé e señora doño di e toko ku tabata sintá
huntu ku un familiar den balkon di su kas pegá ku e toko.
Bou di menasa un di e sospechosonan a pidi e propietario pa sèn, mientrastantu e
otro ta pará banda di e toko. Dado momento e sospechoso aki a drenta den e toko
en buska di sèn. Mesora e señora a sali kore buska yudansa. E duo aki a sali for di e
toko i kore bai for di e sitio. Un suidadano a kore nan tras i a logra di detené un di
nan.
Unidatnan polisial ku a yega na e sitio a tuma e sospeshoso aki i a detené. Ta trata di
e hòmber J.J.H. di 18 di edat, nasé na Kòrsou.
For di un investigashon ku e agentenan a realisá riba e ruta di huida, nan a haña i
konfiská diferente paña i un kuchu.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
