Detenshon pa violashon lei di arma di kandela.

KOMUNIKADO DI PRENSA 029 / 2021
22 yanüari 2021
Detenshon pa violashon lei di arma di kandela.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 22 di yanüari 2021, alrededor di 14.12 or Sentral di Polis haña notifikashon di un
diskushon den tráfiko ku a tuma lugá den kaya di Otrobanda, kaminda un di e shofùrnan a
saka un arma di kandela. Despues di e akto aki e shofùr a sigui kore bai for di e sitio.
Mesora sentral a duna informashon di e vehíkulo aki, na e unidatnan ku ta riba kaya.
Un unidat ku tabata den besindario a dirigí su mes na kas di e sospechoso aki, ku ta biba
den e bario di Panama. Na momento ku e agentenan a yega na e adrès nan a topa ku e
vehíkulo ku ta kuadra ku tur e informashonnan i ku tabata envolví den e insidente den kaya
di Otrobanda. Nèt na e momento ei e shofùr tabata drentando kas. Dado momento el a
kore bai na e segundo piso di e kas i a tira e arma for di un bentana ku a bai kai den kurá di
un bisiña.
Despues di un búskeda kòrtiku e agentenan bin haña e arma di kandela.
A detené e hòmber sospechoso S.S.C. di 27 aña di edat, nasè na Kòrsou, pa poseshon
ilegal di arma di kandela. Tambe a tene un entrada hudisial na e adrès menshoná.
Miéntras ku a konfiská e arma di kandela i e vehíkulo pa mas investigashon.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon