Aksidente di tráfiko ku morto


KUERPO POLISIAL KÒRSOU
KOMUNIKADO DI PRENSA
29 mart 2025
Aksidente di tráfiko ku morto
113/2025
Djabièrnè 28 di mart 2025 alrededor di 16.37’or, Sentral di Polis a risibí informashon di un
aksidente di tráfiko ku herído serio ku a tuma lugá riba Juliana Brug.
Mesora a dirigí unidatnan polisial i ambulans na e sitio.
Na yegada di e promé unidat, el a tuma nota di un pickòp ku a aksidentá i bai pega den
vangrail.
E víktima, un shofùr maskulino tabata drumí abou den su vehíkulo i ku un herida parti ariba
di su kurpa mientras e tabata sangrando bastante.
Personal di ambulans a konstatá ku e víktima no tabata duna señal di bida.
Dòkter di polis ku tambe tabata presente, a konstatá morto.
Riba òrdu di Fiskal di Ministerio Pùbliko a konfiská e kurpa pa mas investigashon.
Personal di Departamento di Tráfiko ta investigando kousa di e morto.

