Dekreto nashonal di portal pa mèldu “goAML” a drenta na vigor for di 1-1-2021
Dekreto nashonal di portal pa mèldu “goAML” a drenta na vigor for di 1-1-2021
Geplaatst op 27 January 2021 dor di Ministerio Finansa
E Dekreto Nashonal pa introdusí e portal pa mèldu “goAML” a drenta na vigor dia 1 di yanüari 2021. E dekreto ta indiká ku tur persona òf organisashon ku tin e deber di mèldu serka Financial Intelligence Unit (FIU), mester hasi esaki den forma digital na ingles, via di e portal pa mèldu “goAML” di FIU.
Promé ku por mèldu un persona òf organisashon mester registrá den e portal pa mèldu. Riba e wèpsait di FIU, http://www.fiucuracao.cw, por haña informashon tokante kon mester registrá i tambe kon mester mèldu serka FIU pa medio di e pòrtal di mèldu “goAML”. E Dekreto Nashonal tambe ta disponibel riba nos wèpsait, inkluyendo e nota di splikashon ofisial. Den e nota di splikashon, Gobièrnu alabes ta kontestá preguntanan hasí dor di e Konseho di Asesoramentu (“Raad van Advies”) pa loke ta e Dekreto Nashonal.
- Pa pregunta tokante e portal nobo pa mèldu “goAML”: manda un e-mail pa goaml@fiucuracao.cw
- Pa pregunta pa e departamento di análisis: manda un e-mail pa analysis@fiucuracao.cw
- Pa pregunta pa e departamento di supervishon: manda un e-mail pa supervision@fiucuracao.cw
- Pa tur demas pregunta i problema: manda un e-mail pa info@fiucuracao.cw
- Tambe por buska kontesta riba bo pregunta riba nos wèpsait: www.fiucuracao.cw
Pa informashon mas amplio tokante e portal akí, por klek i lesa un komunikado anterior kaminda ta duna mas detaye riba esaki : http://bit.ly/2YllUm8
