Kaso di atrako ku detenshon.
KOMUNIKADO DI PRENSA 039 / 2021
30 yanüari 2021
Kaso di atrako ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrne 29 yanüari 2021 alrededor di 19.25’or, Sentral di Polis a risibí informashon di un
atrako ku a tuma lugá na un establesimentu riba Caracasbaaiweg.
For di un investigashon ku polis a hasi na e sitio a resultá ku un hòmber a yega na e
establesimentu, ranka e kaha di plaka i bai den un outo Kia Pikanto shinishi for di e sitio.
Kontinuando ku investigashon awe den oranan di mainta polis a señala e outo shinishi ariba
menshoná na laman na Caracasbaai.
Riba òrdu di fiskal di Ministerio Públiko polis a bai na e sitio i alrededor di 12.00’or di mèrdia
a detené e hòmber sospechoso R.L.J.Z. nasé na Kòrsou di 20 aña di edat, relashoná ku e
atrako ariba menshoná.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.
