KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

Ta buska profeshonalnan pa Komishon Emblema Nashonal

Ta buska profeshonalnan pa Komishon Emblema Nashonal

Geplaatst op 01 February 2021 dor di Ministerio Asuntunan General i Promé Minister

WILLEMSTAD – Gobièrnu di Kòrsou ta anunsiá komienso di un trayekto pa yega na un emblema nashonal nobo pa Kòrsou. Den e kuadro akí, ta buska profeshonalnan ku riba un base boluntario ke forma parti di e asina yamá ‘Komishon Emblema Nashonal’. Meta di e komishon akí ta pa enkaminá e trayekto pa remplasá nos eskudo nashonal aktual, ku un emblema nashonal nobo. Intenshon ta pa den dos siman di tempu selektá interesadonan ku tin ku bai forma parti di e komishon akí.

Un símbolo nashonal ta di gran balor pa su komunidat. Su meta prinsipal ta pa representá e pais, uni su siudadanonan i krea un sentido di patriotismo i orguyo profundo. E emblema nobo lo mester proyektá nos kultura, prinsipionan, historia, talento i ambishonnan komun di un forma konstruktivo i rekonosibel pa nos siudadanonan. Esaki Konseho di Minister a disidí na desèmber 2020.

E emblema nobo mester bira unu diseñá, desaroyá i skohé ku partisipashon di komunidat. Tur siudadano lo haña oportunidat di entregá nan propio diseño for di kual pa medio di un votashon popular e komishon lo formulá un konseho pa Gobièrnu di Kòrsou.

Rekrutashon di profeshonalnan pa forma e komishon akí ta un di e promé pasonan den e trayekto pa realisá un Emblema Nashonal Nobo den kuadro di konstrukshon di nos nashon. Tur hende ku ta sinti nan mes yamá pa forma parti di e komishon akí por solisitá dor di reakshoná riba e avisonan ku ta keda publiká den diferente medionan di komunikashon i e medionan digital di Gobièrnu di Kòrsou.

Pronto lo sigui mas informashon tokante e trayekto akí.


Nos identidat nashonal ta un aspekto

esensial pa por logra reforma i desaroya Korsou na un manera duradero

Abo ta orguyoso di ta Yu

di Korsou i bo ke duna bo aporte na desaroyo di nos identidat nashonal?

META DI KOMISHON EMBLEMA NASHONAL

E komishon ta asistf Gobiernu ku konseho i akshon pa krea un emblema nashonal nobo pa Korsou. Un emblema atraktivo kaminda nos ta rekonose nos pueblo den dje. Un pueblo positive, kreativo, orguyoso, ku kurashi i dispuesto pa karga su responsabilidat. Un pueblo ku ta konsiente di talento­ i kualidatnan ku su hendenan a desaroya a traves di tempu. Un pueblo ku ta konsisti di personanan ku ta dispuesto pa traha huntu pa logra un futuro maravioso.

 

MIEMBRONAN DI KOMISHON EMBLEMA NASHONAL TA:

  • Kontribui na desaroyo di kriterio pa por selekta un emblema;
  • Fungi komo hurado (aplika kriterio);
  • Duna konseho na Prome Minister;
  • Disponibel aproksimadamente 8 ora pa siman pa un periodo di 6

 

KANTIDAT DI MIEMBRO

Komishon Emblema Nashonal ta konsistf di 7 persona. Por lo menos unu ta mas yon ku 30 af\a di edat.

 

KEN TA MIEMBRO

Pa por keda nombra komo miembro di Komishon Emblema Nashonal bo mester tin amplio konosementu i eksperensia riba e area sosial, hist6riko, kultural,ekon6miko, di merkadeo (grafiko), huridiko i di struktura estatal.

BO TIN INTERES?

 

Por fabor manda bo motivashon por eskrito pa mas tarda 8 di februari 2021 i nos lo tuma kontakto ku bo. Por manda bo karta di motivashon pa

jaret.guanipa@gobiernu.cw. Pone komo t6piko Komishon Emblema Nashonal.

 

Tambe ta posibel pa entrega bo motivashon dor di yena e formulario riba http://www.gobiernu.cw bou di ‘vakatura’.

 

639114718427035"
639114718427035"