INTERUPSHON DEN SUMINISTRO DI KORIENTE NA ALGUN SITIO

 

INTERUPSHON DEN SUMINISTRO DI KORIENTE NA ALGUN SITIO

Willemstad 9 di Februari 2021- Mardugá di 9 febrüari pa mas o ménos 03:00 a surgi interupshon den suministro di koriente den algun área di Kòrsou. Aqualectra a konstatá diferente interupshon despues di e orario aki. 

 

A konstatá e siguiente interupshonnan:

Pa mas o ménos 03:00 a surgi un korto sirkuito den e stashon prinsipal ku ta suministrá e astiero di DAMEN N.V. ku a pone ku e stashon a wòrdu deskonektá for di e ret di Aqualectra. E korto sirkuito aki a kousa un ‘dip’ den e vòltahe di e ret, ku por tabata notabel den diferente área di Kòrsou.

Pa mas o ménos 03:46 a surgi otro korto sirkuito den e parti di e ret ku ta suministrá koriente na Gaito, Zeelandia te ku xxxx. Téknikonan a sali mesora pa atendé ku e interupshon aki. Relashoná ku esaki a konstatá ku un kabel den área di Promenade a kibra. Pa mas o ménos 06:08 di mainta tur hende den e área aki tabata tin koriente bèk.

Na mes momento tambe a surgi un korto sirkuito den área di van Engelen, Rust, Girouette i besindario. Den e kaso aki a konstatá ku un kabel den área di Perseusweg a kibra i kousa interupshon di suministro. E área kompleto a haña koriente bèk pa mas o ménos 06:25 di mainta.

Aqualectra na promé lugá ke pidi su diskulpa pa kualkier inkumbiniensia ku e interupshonnan menshoná por a kousa. E kousa di e interupshonnan ta algu ku Aqualectra no tabatin den su man, ya komo ku e kousa tabata algu ku no por a wòrdu premirá. Tambe ta bon pa enfatisá ku e interupshonnan aki no tin nada di aber ku e eventonan di blèkout ku a tuma lugá den luna pasa.