Entrada hudisial ku detenshon.

KOMUNIKADO DI PRENSA 057 / 2020
12 febrüari 2020
Entrada hudisial ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku un kaso di atrako ku a tuma lugá 24 yüli
2020 na un kas na Seru Loraweg, polis a tene un entrada hudisial i detené un sospechoso.
Djabièrnè 12 di febrüari 2021, alrededor di 05.25’or polis a tene entrada hudisial na un kas
na Montagne Rey. Na e sitio polis a detené e hòmber sospechoso R.L.E. nasé na Kòrsou di
30 aña di edat, pa e kaso di atrako ariba menshoná.
Durante investigashon den e kas polis a haña i konfiská algun paki di mariwana i hash.
Relashoná ku esaki polis a detené na e sitio e hòmber J.C.E. nasé na Kòrsou di 32 aña di
edat, pa violashon di lei di opio.
A presentá ámbos sospechoso dilanti un fiskal ouksiliar ku a ordená enkarselamentu
pendiente di mas investigashon.