Produkshon musikal ‘Un Bida Glorioso’ di Widney Martha Ft. Jouly Bridgewater zonando bon na emisoranan lokal

 

Produkshon musikal ‘Un Bida Glorioso’ di Widney Martha Ft. Jouly Bridgewater zonando bon na emisoranan lokal

 

WILLEMSTAD – Mirando e sintimentu ku Nos pais Korsou ta pasando aden ultimo tempu e produktor Widney Martha a lansa un produkshon musikal yamá ‘Un Bida Glorioso’. Jouly Bridgewater un artista konosí na Kòrsou a intepreta e bunita kansion aki. Nos konosido, Richard Engelhardt tambe a forma parti di e produkshon kantanto koro i Widney Martha mes komo músiko i areglista. 

“Meta di e kansion ta pa hasi nos pueblo bira konsiente ku porta bo ta sinti ku tur kos ta kayendo den otro, I sigur bo no por bisa ku bo tin un bida glorioso. Pero e palabra di Dios ta bisa fe ta bin dor di tende e palabra di Dios. Pesei ora bo ta resa bo mester resa na bos duru pa asina bo por tende kiko bo ta resa pa asina nos por kere. Ta pesei aunke den kua situashon bo ta pasando aden pidi pa e Spiritu di Dios bin biba den bo kurason I deklara ku bos duru  ku ta bo ta reina, ta bo ta manda riba tur bo situation I sirkumstantia nan. Deklara riba bo bida ku bo tin un bida glorioso I mas bo ripitie, bo ambiente lo kambia I kore ku kos nan negativo den bo bida. Laga nos sostene otro den e tempu difisil aki I deklara ku korsou tin un bida glorioso. Tin hopi korientenan spiritual ku ta pasa dor di otro ku nos no por bringa ku nos armanan natural. Nos mester bai na rudia i hasi orashon pa nos por kombatí of frena e forsanan ku ta stroba nos di bai dilanti,” Widney a bisa.

 “Mi ta spera ku e kansion aki por bendishoná e pueblo di Kòrsou i pa nos realisa ku nos situashon aktual no mester ta nos futuro. Laga nos mara huntu I deklara bondat den nos bida pa progesá i bai dilanti. Alabes nos di “Life Changers Foundation” kier a felisita I desea Jouly Bridgewater hopi eksito ku e single nobo aki, I tambe gradisi komunidat kompletu pa boso sosten duna.”