Tempu a demostrá di ta e mihó maestro. P’esey awor mi ta reakshoná.

Willemstad – Tempu a demostrá di ta e mihó maestro. P’esey awor mi ta reakshoná.

 

Parlamentario Rennox Calmes ta deseá pa para ketu un ratu na akusashonnan den su kontra e último tempunan aki. 

 

Sigun Calmes algún figura inkluso riba medianan sosial, ta tratando na tacha su nómber i kredibilidat komo parlamentario di un forma struktural. “Atakenan di tal forma sin báse ta prueba ku Rennox Calmes i su partido Trabou Pa Kòrsou ta riba e bon kaminda i nan lo ta sinti e preshon”, Calmes ta bisa. Calmes ta bisa ku e no ta sinta den dje pa reakshoná riba delaster un atake komo esaki ta kité for di su enfoke i metanan stipulá. Tambe e ta bisa ku e no ta preokupá pa rektifiká su mes kada bes na kada insulto komo ku tempu ta e mihó maestro.

 

Pero sigun Calmes awor sí a yega ora pa rektifiká algún kos, komo ku si bo no hasi esaki pueblo i/of medionan di komunikashon mes lo forma nan mes vershon. Un ehèmpel ta e hecho ku awor tin vershonnan inkorekto pa ku supuesto negosashon ku Calmes lo tabatin ku PAR na momentu ku e kier a kita su sostén for di Gobièrnu, ku ta sirkulando.

 

Calmes ta deseá pa rekordá tur hende ku e a disidí pa kita sostén for di Gobièrnu na 2020 pa e simpel hecho ku minister presidente no ta hende ku bo por konfia. “Na momentu ku Minister President sr. Rhuggenaath a invitá Calmes pa kombersá ku n’e na su ofisina na Fort Amsterdam, e a indiká na Calmes ku direktiva di PAR a manda bisa ku si Calmes ta keda sostené Gobièrnu, Calmes ta haña un minister. Na mes momentu minister presidente a puntra Calmes ken e tin komo minister. Calmes na su turno a kontesta ku Calmes no tin niun minister paso Calmes no a bini pa papia riba esaki, pero si Calmes tin algun 6 punto bálido kual Calmes ke mira kambio riba nan. Anto e ora ei Calmes lo por sigui sostené Gobièrnu. E puntonan ta:

 

  • No ta kòrta mas den enseñansa
  • Pa medio di un Landsbesluit lanta un komishon pa orientá transformashon di enseñansa;
  • Refineria: E struktura di RDK/PMO no a result. Kambia e struktura pa unu mas transparente, pero tambe na un manera ku polítikonan ta mas serka komo esnan responsabel. Kada partido ta pone 1 hende na kabes. Establesé e struktura nobo via un LB;
  • Landsverordening rampen i Landsverordening uitzonderingstoestand mester hasi kambionan drástiko na e kontenidonan. Manera nan ta mi ta kontra.
  • Hubentut: Prepará e generashon di relevo. Nombra hóbennan den posishonnan pero tambe den un trayekto banda di nombra adultonan mayor. Esaki mester konta tambe pa e komisarionan;
  • Grondbedrijf: hasi adaptashon na e kontenido. Yu di tera tambe mester por bin na remarke pa tereno;
  • Ta mantené e kartera di GMN i nombra 1 Minister

 

 

“Pero lamentablemente Min Pres a skohe otro i te awe no a ni duna un kontesta na Calmes. Simplemente Calmes a komprondé ku e gobiernu aktual no tei pa sirbi pueblo. Awe diferente di e puntonan ku Calmes a trese dilanti ta punto di diskushon den komunidat. Tempu a bolbe demostra di ta e miho maestro. Pues ta importante pa rekordá pueblo den su totalidat dikon mi a kita mi sostén.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: