Entrada hudisial ku konfiskashon i detenshon

KOMUNIKADO DI PRENSA 081 / 2021
26 febrüari 2021
Entrada hudisial ku konfiskashon i detenshon
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 26 di febrüari 2021, den oranan di mainta, personal di Divishon Krimen Organisa,
a tene entrada hudisial na un adrès na Rancho.
E entrada hudisial akí, ta relashoná ku violashon di e lei di opio.
Durante investigashon polis a haña i konfiská un kantidat di planchi di mariwana. Tambe a
konfiská atributonan pa e kultivo di e droganan.
Na e sitio e agentenan a detené un (1) hòmber sospechoso.
Ta trata di:
 F.F.G.K. di 26 aña di edat, nasé na Kòrsou.
A presentá e sospechoso dilanti un fiskal ouksiliar ku a ordená su enkarselamentu pendiente
di mas investigashon.