Inskripshon na Premio Charlwin ‘Broertje’ Marshall 2021 ta habri

Inskripshon na Premio Charlwin ‘Broertje’ Marshall 2021 ta habri

Geplaatst op 28 February 2021 dor di Ministerio Enseñansa, Siensia, Kultura & Deporte

WILLEMSTAD – Gobièrnu di Kòrsou ta anunsiá ku inskripshon pa Premio Charlwin ‘Broertje’ Marshall 2021 ta habri. Ta otorgá e premio prestigioso aki komo parti di e kompetensia spesialmente pa hóben riba tereno kulinario. Personanan entre edat di 16 te ku 30 aña, ku ta sigui formashon kulinario òf ta traha riba e tereno kulinario, ta bin na remarke pa inskribí na e kompetensia di e premio akí. E kompetensia ta tuma lugá den luna di aprel 2021 i entrega di premio ta tuma lugá den luna mei 2021.

 

E dos (2) kategorianan ta:

– ‘Junior chef’, edat entre 16 pa 20 aña, kual ta risibí un premio efektivo di Nafl. 2500,-. Además tin premio efektivo pa e promé finalista;

– ‘Senior chef’, edat entre di 21 pa 30 aña, kual ta risibí un premio efektivo di Nafl. 5000,- mas un obra di arte komo trofeo. Además tin premio efektivo pa e promé finalista.

Periodo di inskripshon ta di 26 febrüari 2021 pa 1 aprel 2021. Por manda e formulario yená promé ku 1 aprel 2021 na activiteiten.owcs@gmail.com. Por ‘download’ e formulario di inskripshon aki: Formulario di Inskripshon Broertje Marshall 2021. Pa mas informashon por tuma kontakto na telefòn +5999 9 567-7369 òf +599 9 540-7369.

**Riba fotonan athunto por tuma nota di Platonan ku e kompetí aña pasa.