Kontròl di tráfiko.

KOMUNIKADO DI PRENSA 087 / 2021
1 mart 2021
Kontròl di tráfiko.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 28 di febrüari 2021, entre 11.10 or pa 14.00 or, personal di Warda di Polis di
Montagne reforsá ku personal di otro departamentunan, a tene kontròl di tráfiko general,
dirigí riba surpasá e velosidat máksimo ku ta permití.
E kontròl akí a tuma lugá riba Caracasbaaiweg.
E agentenan a repartí un total di 47 prosèsferbal. Entre otro 35 prosèsferbal pa surpasá e
velosidat máksimo ku ta permití i diesdos (12) prosèsverbal pa diferente otro infrakshon
kometé.
E kontròlnan aki lo kontinuá.