Posibilidat di repatriashon pa Venezolanonan riba 22 di mart 2021. 

Posibilidat di repatriashon pa Venezolanonan riba 22 di mart 2021.

Geplaatst op 02 March 2021 dor di Ministerio Hustisia

Di akuerdo ku e registrashonnan ku a tuma lugá den último lunanan, Minister di Hustisia a disidí, ku lo bolbe organisá un vuelo mas di repatriashon pa Venezuela  den luna di mart 2021. Tin vários Venezolano na e momentunan aki ku debí na diferente faktor ta deseá di regresá nan pais. Aparte di esaki, tin personanan prosedente di Venezuela ku na e momentu aki ta detené en espera di  regreso pa nan pais.

Aktualmente, ainda no tin vuelo komersial entre Kòrsou i Venezuela ku por fasilitá Venezolanonan regreso pa nan pais.

En bista di esaki, Minister di Hustisia  ta den kombersashon ku Kònsùl di Venezuela, pa logra yega na e posibilidat di un vuelo humanitario pa dia 22 di mart próksimo.

Por lo pronto pasashinan lo ta na benta te ku 13 di mart prόksimo pa 18:00 di atardi na Curacao Handling Agent na Pietermaai Parking Mall na un preis di Naf 405,–. Esaki ta inkluí  ‘airpot tax’.  Pa e vuelo aki lo tin un kantidat di lugá disponibel.

Un pcr-test positivo di 48 ora promé ku e buelo ku ta demostrá ku e persona konserní a tèst negativo pa Covid -19 ta eksigí.

Mas informashon ta optenibel via  e link: https://bit.ly/VUELODEREPATRIACIÓN

Ta bon pa remarká, ku personanan Venezolano ku pa un òf otro motibu a drenta Kòrsou di un forma ilegal, lo no bini na remarke pa e trayekto di  ‘Integrashon Responsabel’. Si e personanan aki disidí di biaha boluntariamente i no a risibí anteriormente un desishon di ekspulshon, lo no risibí un desishon ministerial di ekspulshon (verwijderingsbeschikking). Konsekuentemente nan lo no wòrdu prohibí pa regresá dentro di 3 aña i lo por hasi un petishon pa un estadia legal despues di bandoná pais.

Si tin residentenan di Kòrsou ku ainda ta pegá na Venezuela, nan tambe lo por hasi uso di e vuelo aki i laga kumpra nan ticket serka Curacao Handling Agent. Den kuadro di desaroyonan pa ku Covid-19 nan lo mester tene kuenta ku e reglanan vigente pa entrada disponibel riba www.gobiernu.cw.

Share this page to Telegram

This site uses Akismet to reduce spam. Learn how your comment data is processed.

%d bloggers like this: