Kampionato Babe Ruth League Curacao

Apresiabel Medionan di Prensa,

 

Pa medio di e komunikado aki nos kier a informa medionan di prensa ku e liga di George Herman Ruth Jr., miho konosi komo Babe Ruth League, a hasi su entrada aki na Korsou. 

Babe Ruth League e anja aki ta kumpli 70 anja di esistensha I a wordu establese na anja 1951. Un total di 10.000 liga di Babe Ruth ta existi aktualmente na Merka y Canada y mas di 50.000 ekipo ta partisipando den e liga.

Cal Ripken Major 70, tambe ta un di e divishonnan kuta kai bou di Babe Ruth League. Den e divishon aki tin Rookie League (6 pa 9 anja) y Major 70 (10 pa 12 anja). Algu interesante ta ku den e divishon di Major 70, e distanshanan di base ta wordu ahusta te ku 70 pia, I tambe e distansha di montikulo pa homeplate, tambe ta wordu ahusta. E beisbol ta kambia, y hobennan ta kuminsa hunga e real baseball habriendo na base etc. 

 

Kuminsando djasabra awor 6 di maart 2021, lo inaugura e prome kampionato di Babe Ruth League kategoria 18U. Un total di 6 ekipo ta partisipa y tur partido ta wordu hunga na Parke Johnny Vrutaal (Rif) den weekend.

Ta bai tin 3 partido pa dia kuminsando 10or di mainta i termina 5or di atardi. Ekiponan lo kompeti kontra otro tur weekend, y lo bai tin varios premio pa hungadonan I ekiponan ku mas a sobresali.

 

Atentamente,

 

Chairon  Isenia                                                                  

Area Commissioner Curacao

Babe Ruth League         

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: