Partido Democraat ta bishitá Sindikato di Empleadonan den Bibienda (SEBI)

Partido Democraat ta bishitá Sindikato di Empleadonan den Bibienda (SEBI)

 

Ora ta trata di bibienda ta e mésun kos ta keda bin dilanti den barionan; e lista di espera pa bin na remarke pa un kas di fundashon t’asina largu ku hopi biaha mester warda 20 pa 25 aña.

No ta un sekreto ku tin hopi prekupashon ta reina bou di e trahadónan di Fundashon Kas Popular (FKP) pa ku futuro di e fundashon. Pa e motibu aki mes Partido Democraat a traha un sita ku e sindikato SEBI pa interkambiá i skucha e diferente puntonan di prekupashon.
Huntu ku Lider polítiko di Partido Democraat Elsa Rozendal, kandidatonan riba lista sra. Jeanette Bonet (#2) i sr. Haitham Metry (#6) tambe a asistí na e bishita.

Sra. Rozendal a trese e prekupashonan ku Partido Democraat ta tende tur dia di nobo di habitantenan durante e bishitanan den bario dilanti. Ora ta trata di bibienda ta e mésun kos ta keda bin dilanti; e lista di espera pa bin na remarke pa un kas di fundashon t’asina largu ku hopi biaha mester warda 20 pa 25 aña. Partido Democraat ta di opinion ku esaki NO POR den Siglo 21. E direktiva di SEBI a indiká ku FKP no ta hañando e fondo i supsidionan di gobièrnu pa hasi mantenshon na kasnan eksistente i ta FKP mes mester pre-finansiá e trabounan di mantenshon i spera ku e ta haña esaki bèk riba un término kòrtiku serka Gobièrnu.

 

Partido Democraat a mustra su prekupashon tambe riba e kuentanan anual di FKP ku pa basta aña kaba no ta keda entregá. E último kuenta anual di e fundashon ta datá di aña 2013. Esaki no ta responsabel i tampoko akseptabel. Nos tur mester duna kuenta i rason, esaki ta konta ku FKP tambe.


Na tur, e bishita tabata unu interesante i ámbos partido ta di opinion ku e interkambio tabata unu plasentero. E programa di Partido Democraat tambe a bini dilanti kaminda a elaborá riba algun punto. Un di nan ta e intenshon ku Partido Democraat tin pa establesé un fondo “revolving” di PPP pa konstrukshon di kas, den kua por realisá un “inhaalslag” grandi pa disminuí drástikamente e lista largu di hende ku ta buska kas denter di un periodo di 10 aña. 

E aserkamentu aki ta stimulá simultáneamente nos ekonomia, e konstrukshon i e sektor di struktura riba nos isla, miéntras ku siudadanonan por yega na un kas adekuá i pagabel.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: