VICTORY BOYS LO TOPA CENTRO BARBER DURANTE E GRAN APERTURA DI LIGA MCB PROMÉ DIVISHON, DJADUMINGU 7 DI MART 2021 DEN SDK!
VICTORY BOYS LO TOPA CENTRO BARBER DURANTE E GRAN APERTURA DI LIGA MCB PROMÉ DIVISHON, DJADUMINGU 7 DI MART 2021 DEN SDK!
Djadumingu awor 7 di mart 2021, Banda ’Riba lo enfrentá Banda ‘Bou durante e gran apertura di Liga MCB Promé Divishon. E ekipo di Victory Boys lo topa Centro Barber den Stadion Ergilio Hato pa 6’or di atardi den e promé partido di e aña aki. Entrada pa e partido aki ta kosta 6 florin pa adulto miéntras mucha di 6 pa 12 aña ku 60+ ta paga solamente fl.2.50.
Karchinan pa e tremendo partido aki ta hopi limitá i optenibel na e lokètnan di SDK for di mitar di 5 di atardi te ku ora di wega. Portanan tambe ta habri mitar di 5 di atardi, yega trempan pa bo no keda afó!
Den pousa lo tin un tremendo show di baile ku ta na enkargo di D’Art…pues ta un ambiente total kombiná ku bon futbòl lo tin djadumingu awó!
E aña aki Liga MCB ta wòrdu dediká na e siguiente baluartenan; Sr. Jose ‘Jossy’ Bibiana (èks hungadó), Sr. Ludwig ‘Luty’ Alberto (èks dirigente), Sr. Remolder Diaoen (èks hungadó),
Sr. Wilfrido de Lima (èks dirigente), Sr. Erick ‘Eki’ Oleana (èks hungadó), Sr. Jozef ‘Papito’ Nivillac (èks hungadó) i Sr. Marcial Mercera (èks rèfri). E personanan aki ta tin un kontribushon enorme na e desaroyo di e deporte rei, futbòl. P’esei nan lo wòrdu homenagiá i FFK lo dediká e kampionato di e aña aki na nan.
Skema promé blòk Liga MCB Promé Divishon:
| Stadion | Dia | Fecha | Orario | Tim di kas | v/s | Bishitante |
| S.E.H. | Djadumingu | 7-Mar-2021 | 18:00 | Victory Boys | v/s | Centro Barber |
| S.A.M. | Djabierne | 12-Mar-2021 | 20:00 | Inter Willemstad | v/s | Scherpenheuvel |
| S.A.M. | Djasabra | 13-Mar-2021 | 18:00 | VESTA | v/s | Jong Holland |
| S.A.M. | Djasabra | 13-Mar-2021 | 20:00 | UNDEBA | v/s | Centro Dominguito |
| S.A.M. | Djadumingu | 14-Mar-2021 | 18:00 | SUBT | v/s | Sithoc |
Tene kuenta ku ta un máksimo di 250 persona so por drenta stadion i tur persona ku lo tin registrá na porta!
Kòrda ku tapaboka ta obligatorio…FFK i MCB ta warda bo!
Skema Liga MCB 1er Divishon Prome Buelta 2020-2021 (1-3-2021 vershon 1) (4)
Skema Liga MCB 2do Divishon Prome Buelta 2020-2021 (1-3-2021 vershon 1) (2)
Skema Liga MCB 3er Divishon Prome Buelta 2020-2021 (1-3-2021 vershon 1)
