ARTISTANAN HOBEN DI REGION TA BRIA DEN E KOMPETENSIA DI ARTE DI CIBC FIRSTCARIBBEAN
ARTISTANAN HOBEN DI REGION TA BRIA DEN E KOMPETENSIA DI ARTE DI CIBC FIRSTCARIBBEAN
Willemstad, 7 di Mart 2021 –Un gran kantidat di artista hóben a eksponé nan kreatividat durante di e último lunanan ku resultadonan impreshonante!
Un bon kantidat di artista ku edat di bai skol for di nuebe teritorio a demonstrá nan abilidat ku kuashi di fèrf,pòtlot i un kombinashon di media komo parti di e kompetensia di arte organisá pa CIBC FirstCaribbean ku a tuma lugá di Desèmber 15 pa Yanüari di e aña aki.
“Nos ta impreshoná pa e talento i kreatividat di nos hóbennan den henter region. E piesanan di arte ku a keda entrega tabata di un kalidat haltu, loke ta bisa hopi di e kalidat di edukashon i apresio pa arte den region” e Chief Executive Officer di e banko Colette Delaney a bisa.
El a ekstendé un felisitashon na tur e ganadó i partisipantenan den na respektivo kategoria.
“Biba i siña durante di e aña ku ta tras di lomba tabata un reto pa hopi den nos hóbennan den region pasombra nan tambe mester a adaptá debí na e konsekuensianan di e pandemia di Covid-19. Nos tabata hopi kontentu ku asina tantu hóben a tuma e tempu pa partisipá den e kompetensia, sabiendo e balor terapéutiko haltu ku trahamentu riba arte i ekspreshon artístiko tin” Sra. Delaney a bisa.
E kompetensia di arte pa hóben den Karibe tabata habri pa partisipashon di studiantenan di skol básiko i skol sekundario ku ta bida den e teritorionan kaminda e banko tin presensia. Studiantenan por a usa fèrf di awa tradishonal òf media kombiná pa duna nan interpretashon di un di e siguiente tópikonan: “Spar bo sèn- Dikon nos mester spar” pa alumnonan di skol básiko i “E banko di Futuro” pa alumnonan di skol sekundario.
E partisipantenan di skol básiko a keda dividí den dos kategoria, esta 4 pa 7 aña i 8 pa 11 aña miéntras ku e partisipantenan di skol sekundario tabata dividí den kategoria di 11 pa 14 aña i 15 pa 18 aña. Alumnonan di skolnan básiko por a usa fèrf di awa, crayon òf fèrf di zeta miéntras ku studiantenan di skol sekundario por a hasi uso di medionan digital, medionan miksto, fèrf di awa òf zeta o acrylic.
E ganadónan pa e diferente teritorionan di akuerdo ku nan kategoria ta
Di Kòrsou ta Immanuel Montoya Fullinck, (8 – 11), Marcello Montoya Fullinck, (4 – 7) i Mayah El Ayoubi (8 -11); Bahamas, David Ramtulla (15 – 18); Barbados, Genesis Parris (11 – 14) i Nharad Banfield-Scott (8 – 11); Dominica, Tana Valmond (15 – 18); Grenada, Mikaela Mc Kie (8 -11); Jamaica, K’yana Edwards (15 -18); St. Lucia, Prashanti Pravin Rathod (11 – 14); Turks i Caicos Islands, Aaron Rodney (4 -7) i Ahmara Rigby (8 – 11); Trinidad and Tobago, Ayari Welcome (15 -18), El’Anaya Destiny Henry (8 – 11) i Luke Fridie (4 – 7).
E ganadónan ta risibí Gift cards ku ta varia den montante plus material pa traha arte.