Enespera di vacuna, registracion ta continua Santa Teresita lo sigui yuda cu registracion durante e siman aki

 

Enespera di vacuna, registracion ta continua

Santa Teresita lo sigui yuda cu registracion durante e siman aki

 

ORANJESTAD, Aruba –08 maart 2021: Durante e siman aki cu Aruba ta enespera di e yegada di vacuna y tambe mientras cu ta cuminsa vacuna esnan laborando den cuido un biaha mas, registracion ta sigui. Den e siman di 08 di maart for di dialuna pa diabierna comunidad por sigui registra na tur edificio di MFA entre otro Savaneta, Paradera, Santa Cruz y Noord. Pa e districto di San Nicolas tambe lo ta habri Santa Teresita Center pa por yuda cu registracion di tur persona di pariba di brug. Orario di registracion ta di 7:30 am pa 4:30 pm ‘non stop’. 

Ta invita comunidad di Aruba specialmente e districto di San Nicolas pa haci uzo di e dianan aki pa registra. Bin cu bo AZV digital of cu bo carnet y si bo no tin AZV pero ta biba, traha of ta stage na Aruba pa mas cu 4 luna pasa cu bo paspoort y registra pa bo por wordo vacuna.

Tambe por sigui registra via Aruba Health App, www.dvg.aw y www.arubacovid19.org . Te na e momento aki Aruba tin un registracion di 27.670 persona di cual 10.594 persona ya a ricibi nan prome dosis di vacuna. Pa nos pais por cuminsa move den direccion di recuperacion ta nesesario pa nos vacuna y stop e transmision di COVID sigui sosode. 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: