Detenshon pa violashon di lei di arma.

KOMUNIKADO DI PRENSA 099 / 2021
10 mart 2021
Detenshon pa violashon di lei di arma.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 9 di mart 2021 alrededor di 21.24’or Sentral di polis a haña informashon ku tin un
vehíkulo sospechoso para bou di un palu den área di Juan Domingu bij Mahuma.
Mesora a dirigí un unidat na e sitio i na momentu ku okupante di e outo a tuma nota di e
unidat polisial, ku velosidat haltu nan a kore bai for di e sitio. Despues di un persiguíshon
kortiku polis a para e vehíkulo na un pomp di gasolin.
Durante investigashon den e vehíkulo polis a haña i konfiská un arma di kandela i a detené
tur tres okupante ku tabata den e vehíkulo.
A presentá e trio dilanti un fiskal ouksiliar i despues di interogashon a pone dos di e
hòmbernan den libertat i a ordená enkarselamentu di e hòmber sospechoso J.J.T. nasé na
Kòrsou di 25 aña di edat, pendiente di mas investigashon.