Den kuadro di plan desaroyo Zakitó, Minister Jesus- Leito i Minister Martina ta inisiá proyekto artístiko sosial na Ref

Den kuadro di plan desaroyo Zakitó,

Minister Jesus- Leito i Minister Martina ta inisiá proyekto artístiko sosial na Ref

Willemstad – Resientemente Minister Zita Jesus- Leito i Minister Steven Martina di forma simbóliko a inisiá un proyekto pa dòrna muraya di Aqualectra na Ref ku bunita pintura. Esaki a tuma lugá den kuadro di “deliverables” pa e interesante proyekto mas grandi pa desaroyo di área di Zakitó.

E proyekto artístiko aki pa dòrna muraya di Aqualectra tin tambe un aspekto sosial. Un total di 15 persona ku a pèrdè trabou durante pandemia di COVID-19, tambe lo forma parti di e proyekto ku lo ilustrá diferente tema. Algun di e temanan ku lo ilustrá ta: tributo na piskadó, Aqualectra, kuida nos laman i deporte.

Riba potrèt por mira momentu ku Minister Jesus- Leito i Minister Martina di forma simbóliko ta inisiá e proyekto artístiko na Ref huntu ku funshonarionan di CTB, Aqualectra i diferente ministerio di gobièrnu.