Entrada hudisial ku konfiskashon.

REDAKSHON March 26, 2021 0 Comments

KOMUNIKADO DI PRENSA 126 / 2021
25 di mart 2021
Entrada hudisial ku konfiskashon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku un investigashon ku ta andando relashoná ku violashon di e lei di opio,
personal di Warda di Polis Barber a tene un entrada hudisial den área di Banda Bou.
Djárason 24 di mart 2021, alrededor di 11.18 or, e personal di e Warda menshoná a tene un
entrada hudisial na un adrès den e bario di Caridad.
Durante investigashon e agentenan a haña un plantashon c.q. laboratorio di mariwana. Polis
a desmantelá e laboratorio akí i a konfiská tur e atributonan huntu ku un kantidat di planchi
di mariwana.
Tambe polis a konstatá ku tabatin iregularidat den uso di koriente i awa. Relashoná ku esaki
e kompania konserní a presentá na e sitio pa tuma nota di loke ku ta pasando i sigui ku nan
investigashon.
Na e sitio e agentenan no a en kontra ku ningun persona.
Investigashon den e kaso aki ta kontinuá.