KOMUNIKADO DI PRENSA 112/2023.
16 mart 2023.

Aksidente ku morto i detenshon.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djárason 15 di mart 2023 alrededor di 23.50’or, Sentral di Polis a risibí informashon ku un
aksidente mester a tuma lugá riba Caracasbaaiweg na altura di un kompleho di
apartamentu. Na yegada di polis nan a topa ku un vehíkulo ku tres persona i un di e
personanan ku tabata sinta patras den e vehíkulo no ta duna señal di bida.
For di e investigashon preliminar ku polis a hasi na sitio a resultá ku e dama chofùr lo
mester a perde kòntròl riba stür i a bai aksidentá den un palu di lus.
Ambulans ku a presentá na e sitio no por a hasi nada pa e víktima debi na e múltiple leshon
ku el a risibí na su kabes.
Alrededor di 00.15’or a detené e dama chofùr di e vehíkulo D.v.d.W., di 29 aña di edat nasé
na Kòrsou, pa mas investigashon.
Na e sitio dòkter di polis a konstatá morto di e hòmber Gilles Van der Burg, nasé na
Hulanda, dia 16 di augùstùs 1966.
Investigashon den e kaso aki ta kontinuá.