Planta di awa di Aqualectra na Fuik ta sufri desperfekto

DESPERFEKTO DEN PLANTA PRODUKSHON DI AWA NA FUIK POR KOUSA INKUMBINENSHA

Willemstad 16 di Mart 2023- Aqualectra su planta di produkshon di awa na Fuik durante oranan di mardugá di djaweps 16 di mart a sufri un desperfekto. Téknikonan di Aqualectra a bin ta traha for di e momentu ei riba detektá e kousa di e problema i solushon pa esaki.

Debí na e situashon aki komunidat durante dia por bai ekperenshá preshon di awa abou i tambe awa brùin.

Aqualectra ta pidi diskulpa pa kualke inkumbinensha ku e situashon aki por kousa.  Ta pidi un i tur pa koperá i tene kuenta ku esaki dor di limitá uso di awa inesesario mas tantu posibel.

Lo sigui informá durante transkurso di dia riba progreso di e trabounan pa normalisá produkshon di awa.