Partido Democraat ta hasi un yamada dramátiko na komunidat pa ban bakuná

 

Partido Democraat ta hasi un yamada dramátiko na komunidat pa ban bakuná

 

Partido Democraat tambe a tuma nota ku e situashon pa ku e malesa di Covid-19 a bira hopi alarmante aki na Kòrsou. 

Esaki tin su efektonan profundo riba nos salú públiko pero tambe den nos hogarnan, den famianan i riba nos hendenan su estado mental. 

Partido Democraat ta konsiente di ta un partido sin representashon den Parlamento pero no opstante ke hasi un yamada dramátiko pa nos komo komunidat ban bakuná. E ta salba bo bida i di otronan. 

Asina tambe mas rápido ku ta posibel nos por superá e situashon i sali di e país ku más Covid per capita, pa e país mihó bakuná i más seif pa biba i bishitá. 

E ta urgente i mas lihé nos logra esaki mas lihé e situashon por normalisá un tiki i nos por traha pa rekuperá i fortifiká nos  ekonomia bèk. Asina nos por logra salbaguardiá kuponan di trabou i evitá mas doló innesesario den kasnan di famia. Ban bakuná. 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: