Entrada hudisial, detenshon i konfiskashon di bastante droga i arma.

KOMUNIKADO DI PRENSA 138 / 2021
8 aprel 2021
Entrada hudisial, detenshon i konfiskashon di bastante droga i arma.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Relashoná ku un kaso ku e Divishon di Krímen Organisá di polis ta investigando, awe den
oranan di mainta, a tene entrada hudisial na tres (3) diferente adrès. Ta trata aki di un kas
na West Groot St. Joris, Kwartje i un apartamento den Mahuma.
Na e entradanan hudisial aki a partisipá aparte di e divishon ariba menshoná, KMar,
Defensa i Tim di Aresto di Kuerpo Polisial Kòrsou.
Na e adrès na Kwartje, a haña i konfiská 24 arma di kandela, bou di kua revòlver, pistol i
skopèt di hagel.
Tambe e unidatnan a bin topa 9 bulto di mariwana i kokaina.
A detené na e mesun adrès ei tres hòmber venezolano: O.J.R.C. , J.G.A.T. i G.J.R.C. di
respektivamente 27, 23 i 21 aña di edat.
Tambe dos hòmber nase na Kòrsou, J.L.F.Ph. i R.B.A.E. di respektivamente 30 i 23 aña di
edat.
A konfiská e armanan i e droga, miéntras ku a presentá e kinteto dilanti di un fiskal ouksiliar
ku a ordená nan enkarselamentu pendiente di mas investigashon