Henk Kamp i Hellen van der Wal renombrá komo miembro di C(A)ft 

Henk Kamp i Hellen van der Wal renombrá komo miembro di C(A)ft 

Den Haag – Tantu señor Henk Kamp komo señora dr. mr. Hellen van der Wal ta bai kuminsá un di dos término den e Kolegionan di supervishon finansiero. Entrante 1 di yüli ta renombrá Henk Kamp riba proposishon di Hulanda komo miembro di Kolegio di supervishon finansiero (Cft) Kòrsou i Sint Maarten i di Cft Bonaire, Sint Eustatius i Saba pa un periodo di tres aña. Pa e Kolegio di supervishon finansiero di Aruba (CAft) su renombramentu ta drenta na vigor entrante 1 di ougùstùs 2021 pa e mésun periodo di tres aña. Pa e Kolegio aki ta renombrá señora Hellen van der Wal tambe, pa e mésun periodo i entrante e mésun fecha. A trata e renombramentunan resientemente na nivel ministerial i lo efektuá nan pa medio di un Dekreto Real. 

Henk Kamp i Hellen van der Wal ta miembro di C(A)ft for di zomer 2018. Banda di su miembresia di e Kolegionan, Henk Kamp aktualmente tin vários funshon sekundario, entre otro komo presidente di e asosashon sektorial di e organisashonnan ku ta aktivo riba tereno di kuido i ayudo di personanan di edat avansá, di enfermonan (króniko) i di hubentut, i tambe komo presidente di Konseho di Supervishon di un hòspital. Hellen van der Wal entre otro ta presidente di Dutch Caribbean Nature Alliance i vise presidente di Konseho di Supervishon di Aruba National Parks Foundation.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: