DIA MUNDIAL DI METEOROLOGIA 2021
DIA MUNDIAL DI METEOROLOGIA 2021
Riba invitashon di gobièrnu di Turkia Sr. Albert Martis tabatin e honor, komo e di dos visepresidente di Organisashon Mundial di Meteorologia pa partisipá komo orador prinsipal na okashon di dia Mundial di Meteorologia dia 23 di mart último. Esei a sosodé huntu ku e Representante Permanente di Turkia i alabes miembro di e Konseho Ehekutivo di OMM, señor Volkan Coskun. A prepará un programa pa primeramente bishitá kantor prinsipal di Servisio Meteorológiko di Estado di Turkia (TSMS), inkluyendo e Sentro di Desaroyo Regional di OMM, i tambe partisipá na e seshon ministerial huntu ku e minister di Agrikultura i Selvikultura (kuido di mondinan), Dr. Bekir Pakdemirli, ku ta responsabel pa TSMS i tambe e minister pa Asuntunan Interno, señor Süleyman Soylu i demas outoridatnan nashonal.
En relashon ku e pandemia di COVID-19 a tuma tur e medidanan nesesario di prekoushon i protekshon pa asina garantisá seguridat di tur hende ku tabata envolví ku selebrashon di Dia Mundial di Meteorologia 2021.
Por bisa sin niun duda ku a logra alkansá e meta di e selebrashon di Dia Mundial di Meteorologia ampliamente. E ministernan,outoridatnan, “stakeholders” i públiko en general a mustra nan konfiansa i envolvimentu ku e Meteo di Turkia. Dunando asina un aporte importante na e ophetivo prinsipal di OMM kual ta salbaguardiá bida i redukshon di pèrdida di propiedat pa tur pais miembro.