Pasa angua kontra corona sin sita na Cocari

 

Pasa angua kontra corona sin sita na Cocari

 

Kralendijk – Riba djárason 12 di mei 2021 habitantenan di bario for di 09:00 – 12:00 por pasa nan promé angua kontra corona sin sita na Cocari na Rincon. E dòkter di kas rinconero dòkter Selly Pourier tambe ta presente na Cocari durante e oranan menshoná. E luna akí riba djárason 19 di mei i djárason 26 di mei tambe departamento di Salubridat Públiko ta duna oportunidat pa pasa angua sin sita na Cocari. Habitantenan di bario ku tin pregunta tokante e angua kontra corona por hasi nan preguntanan na e okashon aki.

 

Durante e último simannan departamento di Salubridat Públiko a organisá seshon di pasa angua na Amboina, Antriol, Nikiboko Nort, Tera Kòrá i Rincon. Habitantenan por a akudí sin sita na nan sentro di bario pa nan promé angua kontra corona. A stòp ku pasamentu di angua sin sita den e otro barionan. Pasa angua sin sita den bario pa sobrá di e luna akí ta solamente posibel na Rincon. 

 

Na Kompleho Deportivo Jorge Nicolaas habitantenan por pasa nan promé angua kontra corona sin sita den siman for di djaluna te ku djasabra di 09:30 – 11:30 i di 13:30 – 17:30. Riba djadumingu e kompleho deportivo ta será.

This site uses Akismet to reduce spam. Learn how your comment data is processed.

error: Content is protected !!
%d bloggers like this: