PIN ta lamentá ku Marilyn Alcalá Wallé inkorektamente ta krea impreshon ku su kaso ta igual na di otronan.

PIN ta lamentá ku Marilyn Alcalá Wallé inkorektamente ta krea impreshon ku
su kaso ta igual na di otronan.

Partido Inovashon Nashonal, PIN, a tuma nota di un karta ku eks minister di enseñansa
sra. Marylin Alcalá-Wallé a manda pa parlamento riba lei di screening i ròl di
Ministerio Públiko. Ta bon pa bisa ku e lei di screening no ta prohibí di ta inskribí na
Kamera di Komersio.
Formador/Minister-presisente Ruggenaath, ni Gobernador, a indiká esei na kandidatonan pa
un puesto ministerial. Ta opvio ku partisipashon den direktiva di nan partido polítiko dor di
minister president of otro ministernan, ta un aktividat konosí pa formador, minister-presidente
i poblashon. Den e kaso di Alcalá-Wallé, riba su ponensia ku kasonan di otro ministernan ta
igual na di dje wes a diktá 12 di maart 2021, den palabra bon kla, ku no por kompará e
reproche hasí na Alcalá-Wallé na ningun otro kaso.

Referente na e lei di screening, PIN a traha un rapòrt amplio i un proposishon di lei pa e
kambionan nesesario. Ministerio Públiko a mustra ku mester di un debate polítiko riba e lei.
Korte di Hustisia a mustra ku na Hulanda, ta gobièrnu of parlamento só por duna aprobashon
pa start un kaso penal kontra di un mandatario. Raad voor de Rechtshandhaving a mustra ku
lei di screening ta entre otro kontra di derechinan humano. Raad van Advies a mustra ku e
eksigensia pa un mayoría di 2/3 pa por kambia e lei no ta konforme nos Areglo di Estado. Por
último, e rapòrt di un Komishon di gobièrnu ku a evaluá e Lei riba screening di (kandidato)
pa minister, a konkluí ku mester di hopi kambio i korekshon den e lei. Ke men, tin trabou pa
parlamento!