AMAK TA APRESIA E SOSTEN DI PARLAMENTU PA E MOSHON KU TA BIN KU MAS SUAVISASHON DI MEDIDANAN

 

 

AMAK TA APRESIA E SOSTEN DI PARLAMENTU PA E MOSHON KU TA BIN KU MAS SUAVISASHON DI MEDIDANAN

 

WILLEMSTAD – Direktiva di AMAK ke gradesí públikamente hinter parlamento di Kòrsou pa e echo históriko ku durante e reunion di Parlamento di djaweps último, den un forma unánime a aprobá un moshon pa eliminá mas medida i di e forma ei habri posibilidatnan pa nos Farándula por bira operashonal.

 

Direktiva di AMAK kier duna un rekonosementu spesial na Sr. Gibi Doran, músiko parlamentario ku a hiba un elokuente diskurso den e reunion di parlamento, kaminda el a indiká ku e ta kontentu ku porfin awor despues di ku 4 aña largu e so mester a lucha pa defendé interes di farándula i ku awor e ta nota mas sosten pa e kousa.

 

Na momentu ku e Moshon a pasa den Parlamento djaweps último, den seno di nos Direktiva a reina un ambiente di hubilo, komo ku porfin despues ku AMAK i KIF a lucha intensivamente durante mas ku un aña, entregando 4 protokòl kon por habri farándula den un forma responsabel, ku aktualmente nos a haña oido serka nos Gobernantenan aktual.

Direktiva di AMAK kier a gradesí tur esnan ku ti un F otro forma durante e aña ku ta tras di lomba a hasi sakrifisio i mustra komprenshon pa e situashon i tambe ku a aportá ku ideanan balioso pa nos por a logra nos metanan.

 

Awor a yega e momentu pa nos tur ku ta metí den e sektor farandulero, pa mas ku nunka nos hasi tur lokual ku ta na nos alkanse pa sigui mantené nos komunidat save. Ta bon ku na momentu ku nos artistanan kuminsá presentá, nos keda hasi uso e espasionan ku nos tin, pa motivá tur farandulero pa nos sigui mantené nos mes na e reglanan ku ta bai konta den e Normal Nobo.

 

Finalmente un pabien na tur nos músiko i artistanan i nos ta sigur ku nos lo bai tin un futuro eksitoso.

 

Direktiva di AMAK