PREPARASHONNAN TA KONTINUÁ PA NOS KOMPROMISONAN DI KUALIFIKASHON PA MUNDIAL DI FIFA! KEVIN FELIDA I JEAN MARC ANTERSIJN TA DJÒIN NOS SELEKSHON!
PREPARASHONNAN TA KONTINUÁ PA NOS KOMPROMISONAN DI KUALIFIKASHON PA MUNDIAL DI FIFA!
KEVIN FELIDA I JEAN MARC ANTERSIJN TA DJÒIN NOS SELEKSHON!
Despues di a publiká e lista di 23 hungadó ku lo partisipá na e partidonan di kualifikashon pa Mundial di FIFA, FFK ta anunsiá ku nos selekshon lo konta ku dos refuerso ku a djòin nos selekshon pa e partidonan di yüni binidero. E promé refuerso ta Jean Marc Antersijn ku lo ta un di e porteronan di nos selekshon. Jean Marc ta un portero di 25 aña ku ta militá den e ekipo FC Arlanda na Suesia, ela hasi un kambio di e selekshon di Aruba pa nos selekshon nashonal. Miéntras Kevin Felida lo ta e segundo refuerso pa nos selekshon nashonal ku ta un hungadó di 21 aña di edat ku ta militá den FC Den Bosch aya na Hulanda.
Ámbos ta tremendo futbolistanan ku a bin duna un man na nos selekshon nashonal.
Lamentabelmente Jeremy de Nooijer no por partisipá mas debí na leshon.
Preparashonnan ta kontinuá pa nos siguiente kompromisonan di e partidonan di kualifikashon pa Mundial di FIFA. Nos próksimo partido lo ta dia 5 di yüni 2021 na Guatemala kaminda nos lo enfrentá British Virgin Islands pa despues nos topa Guatemala dia 8 di yüni aki na Kòrsou den Stadion Ergilio Hato pa 8’or di anochi.
Si nos selekshon sali viktorioso di e 2 partidonan aki, nos lo klasifiká pa e di 2 buèlta di e partidonan di kualifikashon ku lo tuma lugá dia 12 di yüni den eksterior i 15 di yüni 2021 na kas, kontra e ganadó di grupo D.
Keda pendiente pa mas informashon…
28 mei 2021