Aksidente di tráfiko ku herido.

 

KOMUNIKADO DI PRENSA 209 / 2021
2 yüni 2021
Aksidente di tráfiko ku herido.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djárason 2 di yüni 2021, alrededor di 17.47’or, Sentral di Polis a haña informashon di un
aksidente di tráfiko ku a tuma lugá na Ronde Klipweg i ku tin un persona heridá.
E unidat ku a yega na e sitio a topa ku un hobensita pegá bou di un vehíkulo.
For di investigashon ku polis a hasi na e sitio a resultá ku outo a alkansá un hobensita i e la
bai resultá bou di un otro outo ku tabata stashoná kantu di kaminda. Ku ayudo di
personanan na e sitio a logra saka e víktima for di bou di e vehíkulo. E hobensita a risibi
leshon na diferente parti di su pia robes.
Ambulans a transporté pa departamentu di emergensia di C.M.C. pa mas tratamentu
mèdiko.
Departamentu di Tráfiko ta kontinuá ku e investigashon.