C3: 90 aña komunikashon krítiko den Karibe

C3: 90 aña komunikashon krítiko den Karibe

Critical Communication Caribbean C3 tabatin un selebrashon remarkabel. 90 aña pasá, riba 8 di Yüni e kompania a keda fundá. Tabatin hopi kambio durante 90 aña, pero e meta semper a keda meskos:
provee komunikashon konfiabel den tur situashon.

Teknologia di pasado: Kódigo di Morse

Na inisio radio komunikashon, tabata tuma lugá pa medio di kódigo di Morse. Di e manera aki tabata keda den kontakto ku barkunan y areanan marítimo. E kompania tabata konosí komo Radio Holland, y a konbertí su mes den un kompania lokal di renombre. E kompania durante su pik den añanan 60 y 70 tabata konta ku mas di 100 empleado.

Pioneronan den radio di polis

Segun teknologia a sigui progresá, e kompania a instalá e promé ret di komunikashon di radio pa kuerpo polisial Antias Hulandes (KPNA). Esaki a mehorá e komunikashon entre e diferente kuerponan di polis, brantwer y servisionan esenshal.

Digitalisashon

Radio Holland a keda adkerí dor di SAIT Zenitel durante añanan 90, y asina a hasi invershon den e promé ret di radio ‘trunking’ digital den e area di Karibe. E ret aki tabata konosí den boka di pueblo komo ‘Chuchubi Trunking’, y a habri porta pa oportunidatnan nobo y mas konfiabilidat.
Invertí y inová C3 tabata e promé kompania adkerí pa Curaçao Growth Fund na 2015, ku a invertí mes ora den un ret digital di TETRA y un bunita ofisina na Emmastad. E edifisio ta símbolo di loke C3 ta para pe. Inovashon ku rèspèt pa pasado.

Rekonosé mundialmente y sertifiká

Na aña 2019 C3 a keda koroná ku e prestigioso premio ‘International Critical Communications Award
den e kategoria‘Outstanding Example of After-Sales Support’.
Tambe C3 ta sertifiká konforme e normanan Internashonal di ISO 9001:2015 y ISO 27001:2019.
For di 2005, C3 ta fasilitá polis, brantwer, ambulans, refinerianan, prisonnan, airopuertonan, hafnan, i
otro organisashonnan ku semper mester por komuniká, tambe ora por ehèmpel e retnan di telefòn kai afó, ku ret di TETRA (Terrestrial Trunked Radio).

Ku bista pa dilanti C3 no ta provee solushonan pa servisionan esenshal so, pero tambe pa e sektor hotelero, sektor di transporte, sektor logístiko (haf marítimo i aeropuerto) y sektor industrial. E kompania ta keda inová y amplia, y ta pendiente di desaroyonan kontinuo di teknologia.
Critical Communication Caribbean (C3) ta operá for di su ofisinanan na Kòrsou, Boneiru, Aruba, St.
Maarten y Colombia. E kompania ta konta ku 32 empleado y a keda adkerí dor di Curaçao Growth Fund.

This site uses Akismet to reduce spam. Learn how your comment data is processed.

error: Content is protected !!
%d bloggers like this: