Minister Jesus- Leito a huramentá Botikario De Jong-Fockens

Minister Jesus- Leito a huramentá Botikario De Jong-Fockens

Willemstad – Resientemente Minister di Salú, Medio Ambiente i Naturalesa señora Zita Jesus- Leito MBA, a huramentá Botikario drs. Els de Jong- Fockens.

Minister Jesus- Leito ta enkargá ku huramentashon ofisial ku mandato di Gobernadó i señora Erseline Ramazan a atendé e parti protokolario. Di e forma aki e Botikario ku a huramentá a kumpli ku eksigensianan di nos leinan vigente pa e por ehersé su profeshon. Despues di e akto ofisial Minister Jesus- Leito a felisitá señora Els de Jong-Fockens i a dese’é tur klase di éksito durante su labornan na Kòrsou. Señora De Jong- Fockens ta di Erasmus Medisch Centrum i ta bai  sostené botika di hospital CMC durante di 4 siman.  Anteriormente señora De Jong- Fockens a yega di bishtá Kòrsou komo turista na vários okashon.

Riba potrèt, Minister Zita Jesus- Leito i drs. Els de Jong-Fockens despues di e akto ofisial.