Detenshon pa destrukshon i menasa.
KOMUNIKADO DI PRENSA 229 / 2021
20 yüni 2021
Detenshon pa destrukshon i menasa.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 19 di yüni 2021 alrededor di 12.46 or, Sentral di Polis a dirigí un unidat polisial na
un adrès den área di Juan Domingu bij Mahuma relashoná ku un kaso di destrukshon i
menasa.
Na yegada di e patruya na e sitio, un dama a indiká na e agentenan ku un hòmber miembro
di e famia a kibra diferente artíkulo na e kas i a menasá e famia ku morto. Tambe el a trata
na dal su mama ku outo, despues di su akto el a bai for di e sitio.
Mas lat un otro patruya a topa ku e hòmber akí den e área menshoná ku tabata sangrando
bastante na altura di su pòls.
Ambulans a presentá na e sitio i a transportá e sospechoso pa sala di emergensia di CMC pa
tratamentu médiko. Despues di e tratamentu e hòmber sospechoso J.D.C.M. nasé na
Colombia di 28 aña di edat a keda detené.
A present’é dilanti di un fiskal ouksiliar ku a ordená su enkarselamentu pendiente di mas
investigashon.