Homeschooling Association Curaçao (HAC) ku petishon pa reunion di emergensia na presidente di parlamentu señora C. America-Francisca

Riba 17 di mei 2021 e direktiva di Homeschooling Association Curaçao (HAC), representá pa presidente
S. Antersyn i tesorero O. Zschüschen, a entregá un petishon pa reunion di emergensia na presidente di parlamentu, señora C. America-Francisca. Den e reunion di emergensia aki nos kier deliberá pa haña akseso na informashon tokante e proposishon di lei “Landsverordening Leerplicht” ku ta na WJZ for di 2019.
Ku e partisipashon aki nos ke logra ku e interesnan di mayornan, ku skohe pa duna nan yunan edukashon na kas, por wòrdu sirbí di e mehor manera i pa e opshonnan di edukashon ku ta afiná riba e nesesidatnan di edukashon di muchanan na Kòrsou, wòrdu ampliá, protegá i garantisá den lei.