Pabien na e pueblo Arubano i MEP
Pabien na e pueblo Arubano i MEP
Djabièrnè, 25 di yüni último, e pueblo di Aruba a bai urnanan elektoral pa nan elihí nan miembronan di Parlamento nobo. E resultado ta konosí. Partido MEP a sali e partido mas grandi ku 9 asiento, sigui pa Partido AVP ku 7. E asientonan ku a sobra a bai pa partidonan MAS (2), RAIS (2) i AKSHON (1).
Direktiva di PAR kier a hasi uso di e oportunidat aki, pa na promé lugá, felisitá e pueblo Arubano ku a sa di hasi uso di su derecho di voto di un manera demokrátiko, masal i ordená.
Tambe un felisitashon ta bai na e partido ganadó MEP i su lider señora Evelyn Wever-Croes. Nos ta deseá nan tur klase di éksito den nan kompromiso nobo ku e pueblo Arubano.
Na Partido AVP, MAS, RAIS i AKSHON, nos kier a deseá forsa i ku nan lo hiba un oposishon krítiko, konstruktivo i fruktífero na bienestar di e pueblo Arubano.
Aktualmente partido PAR ta den oposishon. Pero semper, tantu e pueblo Arubano komo e gobièrnu di Aruba, tabata por konta ku nos koperashon pa traha huntu na bienestar di siudadanonan di Aruba i Kòrsou. Atraves di nos añanan di eksistensia nos a sa di demostrá di mantené lasonan fraternal ku tur partido polítiko na Aruba i den Reino Ulandes, sin demostrá preferensia den esaki.
MEP i pueblo di Aruba un biaha mas: pabien!
Na nòmber di direktiva di Partido PAR,
Gerold Rach
Presidente
Partido Alternativa Real
