Orca Swim Club Curaçao a organisá un kompetensia habri den é wikèntnan di 18/19 i 25/26 di yüni 2021 pa será e temporada 2020/2021 di landamentu.

Orca Swim Club Curaçao

Despues di vários luna ku no por a trein pa motibu di COVID, Curaçao Aquatic Association, Federashon Akuatiko Kòrsou (FAK) a disidí di organisá un kompetensia habri den é wikèntnan di 18/19 i 25/26 di yüni 2021 pa será e temporada 2020/2021 di landamentu.
Internamente ORCA a deliberá riba e invitashon di FAK aki i nos a manda un proposishon konkreto, via di ORCA su dos (2) representantenan den é komishon di kompetensia, pa FAK.
ORCA a basa su mes riba e echo ku mayoria atleta no ta den kondishon pa landa un kompetensia kaminda básikamente tur evento ta aparesé ariba. Komo tal ORCA a proponé FAK pa organisá un kompetensia habri di “Sprint”, kaminda tur atleta ta haña e oportunidat di kompetí riba distansianan kòrtiku so.
FAK no a bai di akuerdo ku e proposishon aki i a organisá e kompetensia habri manera nan a program’é, aunke nos ta na altura ku tin sigur un ekipo mas ku tabata kontra di esaki.
Konsekuensia di esaki ta ku:
-sigur dos (2) ekipo no a partisipá
-hopi atleta no a partisipá
-mayoria atleta a presta bou di nan nivel ( por wak e resultadonan)
-hopi mayor no a para komo ofishal
Ta bin aserka ku direktiva di FAK a disidí di kobra
Fl. 20,= pa e kompetensia aki i premia solamente e promé tres (3) landadónan den kada kategoria ku un sertifikado.
Pues nada di medaya i/òf “lint” pa e promé ocho (😎 landadónan manera sa ta é kustumber durante di un kampionato i tambe mirando e suma ku a kobra kada atleta pa por a partisipá na é kompetensia habri aki.
Normalmente direktiva di Orca no sa reklamá e kosnan aki i sigur no públikamente. Pero si bo hendenan den komishon no ta keda skucha i Federashon ta bai kontra di e opinion di, den e kaso aki direktiva di Orca ta kere ku ta e mayoria, no ta keda nada otro pa bosifera é opinion di direktiva di ORCA di e manera aki.
Direktiva di ORCA ke felisitá tur atleta ku a gana un sertifikado i speshalmente nos atletanan ku ta:
-Anderson Hart Statius 10 & Under
-Giada Dammers10 & Under
-Evenaigely Koeiman10 & Under
-Christy de Palm 15 – 17
-Eljosha Groetelaars18 & Over
Atentamente,
Richard Leito
Head coach Orca
Vernon Toré
Presidente di Orca