Egory Manuela Prospekto Pitcher ta firma ku Tampa Bay Rays

E prospekto yu di Korsou, Egory Manuela a firma un kontrato profeshonal ku e organisashon di Tampa Bay Rays.

Egory Manuela despues di un kareda bastante exitoso porfin su sonjo a bira realidad.

Egory bou di representashon di su agente Henry Martinez, di Henry Martinez Baseball Academy, a hiba un preparashon di sigur 2 anja, pa asina duna un bon prestashon dilanti di scoutnan/organisashonnan di MLB.

Chairon Isenia scout di Tampa Bay Rays a identifika Egory Manuela for di tempu e tabatin 13 anja di edat. E tempu aki Egory tabata un outfielder. Pero Shaki Isenia a mira hopi bon proyekshon di Egory komo pitcher. Chairon Isenia en kombinashon ku departamentu di international scouting di Tampa Bay Rays, a sigi Egory su karera te ku awor aki a jega na e desishon ku ta firma Egory Manuela ku Rays.

Egory aktualmente ta proyekta pa bira un pitcher habridor ku un rekta di velosidat entre 94 mph pa 97 mph. E tin un curva, slider y changeup ku ta devastador. Ku e pitcheonan aki Egory por bira un pitcher ku por tira hopi ponche pa wega. Si tur kos kana segun plan, Egory Manuela por ta den grandes Ligas den un futuro hopi serkano.

Un Pabien ta bai na famia Manuela y muy espesial pa su mama Sra Lijandra Manuela y Tanta Lilliana Alexander Manuela ku e tremendo logro aki y un pabien na Staff i personal di Henry Martinez Academy ku a bin ta produsiendo hopi talento di Korsou pa ekiponan di MLB.