Un gran baluarte artista maestro, konstruktor i tokadó di kaha di òrgel, Don Serapio Pinedo  a bai laga nos na edat respetá di 98 aña.

 

 

Un gran baluarte artista maestro, konstruktor i tokadó di kaha di òrgel, Don Serapio Pinedo  a bai laga nos na edat respetá di 98 aña.

 

Djabièrnè  2 di yüli  mundu farandulero a keda di shòk, pa e notisia ku Don Serapio Pinedo  a fayesé.

Direktiva di Amak kier manda palabra di kondolensia na famianan di e ilustre siudadano aki, pa e e aporte signifikativo ku e baluarte aki a nifiká pa historia di nos pais.

 

Ta masha importante , na momento ku nos duna atenshon i honor na tur kurasoleño ku durante un periodo largu, dediká nan bida, na hopi okashon sakrifikando interesnan familiar, pa realisá tareanan, ku no ta ser balorá sufisientemente.

 

Hopi biaha ta surgi e pregunta,si esun ku a bai laga nos por a disfrutá di e apresio di intansianan gubernamental idi  e mundu kultural pa su konosementu i talento artístiko.

 

Direktiva di Amak ke kier manda palabranan di kondolensia na tur su sernan kerí pa e pèrdida sensibel aki.

Si nos analisá e historia di introdukshon di kaha di òrgel na Kòrsou i islanan karibense, ta motibu ku nos mester demostrá mas apresio i rèspèt pa  lokual ta e trayekto i e lucha ku Don Serapio Pinedo a realisá durante 80 aña di su bida na interes di nos pueblo i pa e kaha di òrgelbira parti di nos patrimonio kultural.

Nos tin ku remarká aki nan, ku e initiativa di gobièrnu di Kòrsou dedikando  di aña 2020 na aña di kaha di òrgel, tabata un bon desishon.

 

Danki dios Don Serapio a pasa su konosementu na hóbennan ku tin interes, pa nos por sigui hasi uso di su herensia intangibel.

 

E  kahanan ku a ser kreá pa Don Serapio semper tabata di un kalidat musikal haltu i úniko, i hopi ta esnan ku durante diferente aktividatnan festivo i ofisial  por a gosa i baila riba tur  e kansionnan ku tabata resoná for di e silindernan konsipiá pa Don Serapio Pinedo.

E ilustre siudadano aki sigur lo bai bai hasi falta, komo outoridat tokando su kaha.

 

Direktiva di AMAK ta  deseá forsa na su famianan i na mundu farandulero kompleto, pa momentonan difísil aki, i nos ta sigur  ku nos gran baluarte Don Serio Pinedo, lo tin un tarea artístiko i un lugar spesial  pe reservá, den reino di Señor.

 

Ku su alma sosegá na pas.

 

5 di di yüli  2021